Берлин обезбеди 250.000 евра за уништување на вишокот муниција во БиХ
Амбасадорот на Германија во Босна и Херцеговина, Кристијан Хелбач и претставничката на Програмата за развој на ОН (УНДП) во БиХ, Сезин Синаноглу, денеска во Сараево потпишаа договор за доделување на средства за втората фаза на проектот за уништување на вишокот муниција во земјата „Експлоуд“, во износ од 250.000 евра.
Согласно договорот, освен средствата, Германија ќе даде свој придонес и во уништувањето на повеќе од пет милиони парчиња муниција во Босна и Херцеговина.
Како што јави Фена, средствата ќе биде искористени и за унапредување на знаењето на квалификувани личности во оваа област во периодот од 2016 до 2017 година.
Во 2015 година преку проектот „Експлоуд“, кој знаеднички го имплементираат Министерството за одбрана на БиХ и УНДП, се уништени 5,4 милиони парчиња муниција со финансиска помош на Германија и други донатори.
Во БиХ постојат уште околу 21.000 тони залихи на муниција, поради што е многу важно да се продолжи поддршката во процесот на уништување на нестабилната муниција, оцени УНДП.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите