Берлин го поздрави ослободувањето на украинскиот пилот Савченко

Германскиот министер за надворешни работи Франк Валтер Штајнмајер денеска изрази задоволство од ослободувањето на украинскиот воен пилот Надја Савченко, која речиси две години мина во руски затвор.

Ослободувањето на Савченко, која денеска беше разменета за двајца руски војници, е добра вест која долго ја чекавме, рече германскиот министер, според кого, размената може да даде поизитивен импулс за спроведување на „Договорот од Минск“.

Како што јави допсиникот на МИА од Берлин, помилувањето и враќањето во Украина на Савченко го поздрави и претседателот на Европскиот парламент, Мартин Шулц, кој преку својот профил на социјалната мрежа Твитер порача дека нејзиното ослободување е „добра вест за семејството, пријателите и за цела Украина“.