Бензините поевтинуваат за 0,50 денари, цената на дизелот останува иста

Од денеска на полноќ цените на бензините ќе се намалат во просек за 0,27 проценти. ЕУРОСУПЕР БС-95, ЕУРОСУПЕР БС-98 и екстра лесното масло за домаќинство (ЕЛ-1) ќе поевтинат за 0,50 денари/литар, додека малопродажната цена на ЕУРОДИЗЕЛ БС (Д-Е V) не се менува.

Како што соопшти  Регулаторната комисија за енергетика и водни услуги (РКЕ), ќе се зголеми и малопродажната цена на Мазутот М-1 НС за 0,298 денар/килограм.

ЕУРОСУПЕР БС – 95 ќе чини 74,50 денари/литар, ЕУРОСУПЕР БС – 98 ќе биде 76,50 денари, дизел горивото 66,50 денари, екстра лесното 1 (ЕЛ-1) 65,50 денари, а мазутот 41,543 денари за килограм.