Белград не ѝ дозволи влез во Србија на шефицата на косовската дипломатија
Српските власти ѝ го одбиле денеска барањето на косовската вицепремиерка и министерка за надворешни работи, Доника Грвала да влезе во земјата, објави попладнево косовското МНР.
Како што јави дописникот на МИА од Приштина, шефицата на косовската дипломатија побарала дозвола, согласно договорот постигнат со посредство на Брисел, за посети на официјални лица од едната во другата држава, меѓутоа официјален Белград го одбил нејзиното барање.
Намерата на Грвала била да ги посети Прешево, Медвеѓе и Бујановац, градови во Прешевската долина, регион во јужна Србија населен со мнозинско албанско население.
– Ние побаравме дозвола. Посетата пропадна поради нечесните игри на Белград. Ќе се обидеме посетата да ја реализираме во блиска иднина, се вели во соопштението на косовското МНР.
Српските медиуми денеска објавија дека и Приштина го одбила барањето на директорот на Канцеларијата за Косово при владата во Белград, Петар Петковиќ да го посети Косово, додека пред неколку дена косовските медиуми информираа дека српските власти не им дозволиле на неколку косовски министри да ја посетат Прешевската долина.
Ново на Сител
-
Физички напад со ладно оружје и гасен пиштол: Татко и двајца синови осомничени за насилство во Бутел
-
Иран најави комеморација за ајатолахот Хамнеи 40 дена по неговото убиство
-
Уапсен 16-годишен кумановец откако нападнал лице кое му извадило пиштол и нож
-
Уапсени пет лица, од кои еден малолетник во акциска контрола на Мобилната единица на МВР
-
Раст од 16,7 проценти на цената на становите во првиот квартал годинава
-
Мицкоски: Македонија е прва земја од Европа која има ваков вид стратешки дијалог со САД
-
Зголемена фреквенцијата на Ќафасан, Албанците од соседството по гориво и храна во државава
-
АХВ спречи ризик од внесување на заразни болести во земјава
