Живот
24. May 2016 - 19:52

Бејбиситер од пеколот: Им го чувал бебето и им го оставил со модрици

Двојка од Шервуд во Орегон го оставила своето бебе со лице на кое му верувале, а го затекнале целото со модрици и повреди. Фотографиите ги објавија на Фејсбук, а своите фрустрации во врска со постапувањето на правниот систем во овој случај на злоставување на дете ги споделија со пријателите.

Алиша Квини и Џошуа Марбури објавија фотографии на кои се прикажани последиците од злоставувањето на нивниот син Џејкоб, а одговор на тоа бил излив на бес и фрустрации.

Фотографии ги направиле ден откако родителите го затекнале своето дете само на подот како плаче, додека бејбиситерот спиел на каучот.

-Прво го забележав неговото модро око. Помислив, што ли се случило, Господе? А потоа тој се сврте и видов дека целата страна од неговото лице беше помодрена, вели мајката.

Родителите го однеле својот син во болница, а лекарите и социјалнтие работници исто така ги фотографирале неговите повреди и поднеле извештај до полицијата.

Обвинителот им рекол на родителите дека во овој момент не постојат доволно докази за да се покрене обвинение против осомничениот. Иако поминале 2 месеци од инцидентот, виновникот се уште не е уапсен.

Затоа овие луѓе одлучија да ги објават фотографиите на Фејсбук, каде се споделени 330.000 пати.