Баварците ги понижија гостите од Дортмунд

Фудбалерите на Баерн Минхен ја потврдија апсолутната доминација во Бундеслигата, откако во осмото коло ја декласираа Борусија Дортмунд со 5:1.

 

Баварците на врвот имаат максимални 24 бодови и гол разлика 28:4, додека Борусија остана на второто место со седум бодови помалку од Баерн.

 

Првите два гола за Баерн ги постигна Томас Милер, потоа Обамејанг намали на 2:1, но во вториот дел Левандовски казни две грешки во одбраната на Борусија, лија судбина ја запечати Марио Геце.

 

Ниту еден тим во Бундеслигата, откако за победа се доделуваат три бода, по осум кола немал седум бодови предност. Од друга страна напаѓачот на Борусија Обамејанг е првиот играч кој постигнал најмалку еден гол во првите осум рунди.