Фудбал
1. July 2019 - 9:12

Барселона подготвена да плати 112 милиони евра за Мартинез

Шпанскиот фудбалски шампион Барселона има намера во своите редови да го донесе напаѓачот на Интер и аргентински репрезентативец Лаутаро Мартинез.

Според „Радио Ла Ред“ каталонскиот клуб е подготвен да плати за 21-годишниот фудбалер околу 112 милиони евра колку што изнесува клаузулата во неговиот договор со миланските „неро-азури“.

Во Барселона сметаат дека Мартинез е повеќе ветувачка опција од Мауро Икарди, со кого Интер е подготвен да се раздели.

За потсетиме Аргентинецот се преселил во Интер од Расинг во 2018 година за 22 милиони евра.

Вкупно за калчолигашот Мартинез има одиграно 35 натпревари и постигнато девет гола.