Барселона: Одлуката на Мадрид претставува државен удар
Одлуката на шпанската Влада за отпочнување процедура за суспензија на автономијата на Каталонија со распуштање на органите на регионалната власт и одржување нови избори во регионот, претставува „државен удар“ и „напад врз демократијата“, изјави претседателката на каталонскиот Парламент, Карме Форкадељ.
Во телевизиско обраќање до каталонските граѓани, Форкадељ нагласи дека ќе остане посветена на „одбраната на каталонскиот Парламент“.
Таа оцени дека со одлуката за распуштање на „демократски избраниот Парламент“ на Каталонија, шпанскиот премиер Маријано Рахој де факто извршил „државен удар во една членка на Европската Унија“.
- Премиерот Рахој сака Парламентот на Каталонија да престане да биде демократски Парламент, но ние нема да го дозволиме тоа, рече Форкадељ.
Таа нагласи дека на „граѓаните на земјата“ сака да им упати порака за решителност и надеж.
- Денеска, по најсериозниот напад врз каталонските институции од нивната обнова, ние се обврзуваме дека ќе го браниме суверенитетот на Парламентот на Каталонија, порача Форкадељ.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри