-->
-->
Балевски го објави списокот на фудбалерки за претстојните квалификациски натпревари
-->
Селекторот на женската фудбалска репрезентација на Македонија, Ванчо Балевски го објави списокот на фудбалерки на кои ќе смета за претстојните два натпревари против Белорусија и Шкотска.
За дуелите во квалификациите за Европското првенство кое во 2017 година ќе се одржи во Холандија, Балевски ги повика следните фудбалерки: Викторија Донева (Драгон), Маја Анѓеловска (Драгон), Наталија Наумов (Драгон), Катерина Милевска (Кочани), Бојана Иванова (Истатов), Фроска Костова (Кочани), Александра Ристовска(Тиверија), Ели Јаковска (Суботица), Душанка Пејкова (Истатов), Драгана Костова (Драгон), Ленче Андреевска (Драгон), Рочи Гентјана (Клопенбург), Сијче Андонова (Нојндорф), Афродита Салихи (Кочани), Наташа Андонова (Росенгард), Јана Чубриновска (Кочани), Александра Марковска (Суботица), Шкипе Бојку (АС Јунајтед), Милка Арсова (Кочани).
„Во првиот натпревар со Белорусија очекуваме сигурна победа, ќе дадеме максимум и ќе ја искористиме позитивната атмосфера во тимот да ја наградиме со победа. Натпреварот против Шкотска ќе биде многу тежок, со оглед на тоа дека веќе игравме со оваа селекција на домашен терен и загубивме, но сепак не се предаваме пред време ќе дадеме максимум и на тој натпревар. Ќе пробаме да дадеме повеќе голови па дури и да изненадиме’’, изјавил селекторот Ванчо Балевски, за веб страната на ФФМ.
Натпреварот, Македонија – Белорусија, ќе се игра во четврток (26 ноември), на тренинг центарот на ФФМ, односно теренот „Петар Милошевски’’ со почеток од 13 часот, додека гостувањето во Шкотска е на 29 ноември (недела), со почеток во 15 часот.
Досега нашата женска селекција одигра два натпревари во квалификациите, и двата во Скопје ги загуби убедливо, од Шкотска со 4:1 и Исланд со 4:0.
Токму, Шкотска и Исланд се двете водечки селекции во групата 1 и тоа со максимални 9 бодови, додека Македонија и Белорусија досега немаат освоено бод, а црвено-жолтите имаат одиграно еден натпревар помалку.
-->
-->
-->
Ново на Сител
-
Десеттина ученици се фатени како препишувале на првиот испит од државната матура – какви мерки им следуваат?
-
Со една изборна единица до поголема демократизација
-
Тема на денот со Љупчо Николовски, пратеник
-
Бимилк го одбележува светскиот ден на млекото
-
Како Асмир Јахоски доби времен пасош?
-
Мицкоски: Бугарските европратеници сакаат да додадат „сегашен“ македонски индентитет во извештајот на ЕП
-
ВМРО-ДПМНЕ ќе поддржи една изборна единица, но со право да гласа и дијаспората
-
НАТО вежба „Брз одговор“ на Криволак