Бајиќ: Шпанците нè „прочитаа“
– Селекторот на македонската кошаркарска репрезентација Драган Бајиќ истакна дека поразот од светскиот првак Шпанија (65:94) на стартот од мундијалските квалификации е реален одраз на квалитетот меѓу двете селекции.
– Сакам да им честитам на Шпанците за заслужената победа, а и да се заблагодарам на публиката за поддршката. Од играта во првото полувреме сум доста задоволен, но она што го најавив и пред натпреварот е за квалитетот на противникот. Тоа и се покажа на теренот во вториот дел од натпреварот.“, изјави Бајиќ на синоќешната прес -конференцијата по натпреварот.
– Почнавме да играме брзоплето и се изгубивме на теренот. Си дозволивме да изгубиме топки и Шпанија да добие лесни поени. Мислам дека тие во вториот дел влегоа многу поагресивно. Ги ’прочитаа‘ нашите проблеми и знаеја лесно да одговорат, но тоа е силниот состав од калибарот на Шпанија. Резултатот од овој натпревар не е важен, важен е карактерот на играчите кои се доста борбени. Во периодот што следи мора да најдеме решение за проблемите кои ги воочивме денес и да го градиме тимот за тоа што не очекува во периодот што следи како за овие квалификации за Светското Првенство, така и за Евробаскет, додаде македонскиот селектор. Бајиќ посебно ја истакна добрата игра во македонскиот дрес на тинејџерот Теодор Симиќ, и наведе дека во националниот тим има потенцијал за добри резултати во иднина.
– Не е убаво да се изгуби натпревар, но треба да бидеме реални за составите на двата тима. Ги предупредив играчите уште во соблекувалната за цврстината на нивната одбрана, на играчите кои играат во Уникаха и во Валенсија. Знаев дека ако сакаме да го добиеме Тео Симиќ како играч мора да му дадеме шанса. Не само со него, туку и со другите играчи кои се млади и потенцијални за националниот тим. Во екипата владее позитивна атмосфера и среќен сум што сум дел од неа, рече Бајиќ на прес-конференцијата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово