Бајден: Вакцинација на 70 отсто од возрасната популација во САД до 4 јули
Американскиот претседател Џо Бајден изјави дека негов нов приоритет е 70 проценти од возрасната популација во САД да примат барем една доза од вакцината против коронавирус до 4 јули, кога САД го слават Денот на независноста.
Во исто време, Бајден ги повика младите на возраст од 20-30 години да се вакцинираат.
– Ќе гарантираме дека вакцинацијата е полесна од кога и да е. За два месеца од денеска, семејствата низ целата земја ќе го прослават 4 јули. Нашата цел е на тој датум 70 проценти од возрасните Американци да примат барем една доза вакцина и најмалку 160 милиони да бидат ревакцинирани, нагласи Бајден синоќа, обраќајќи сe на јавноста од Белата куќа
За да се исполни таа цел, Бајден нареди десетици илјади аптеки кои учествуваат во федералната програма да обезбедат вакцинација без закажување, додека ресурсите од Федералната агенција за управување со вонредни состојби (ФЕМА) ќе бидат пренасочени за поддршка на привремени и мобилни клиники и помали општински локации за вакцинација.
Бајден постави нова цел во време кога неговата администрација се соочува со зголемени, но очекувани, предизвици за имунизација на луѓе кои не сакаат да примат вакцина против Ковид-19.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево