Бајден: Соопштение за Саудиска Арабија во врска со убиството на Кашоги во понеделник
– Американскиот претседател Џо Бајден изјави дека неговата администрација ќе објави соопштение во врска со Саудиска Арабија во понеделник, по извештајот на американското разузнавање, според кој е утврдено дека престолонаследникот Мухамед бин Салман го одобрил убиството на новинарот Џамал Кашоги.
Како што пренесуваат странските агенции, администрацијата на Бајден се соочи со одредени критики дека претседателот требало да биде поостар кон престолонаследникот, кој не е санкциониран иако е обвинет за одобрување на убиството на Кашоги.
Запрашан за казната на престолонаследникот, владетелот на Саудиска Арабија, Бајден рече: „Во понеделник ќе биде објавено што ќе правиме со Саудиска Арабија“.
Кашоги, кој престојуваше во САД и пишуваше текстови за „Вашингтон пост“ во кои ја критикуваше политиката на престолонаследникот, беше убиен во Конзулатот на Кралството во Истанбул во октомври 2018 година.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово