Фудбал
8. јуни 2016 - 16:37

Баили прво засилување за Мурињо

Дефанзивецот на Виљареал Ерик Баили е првото засилување за Манчестер Јунајтед во ерата на Жозе Мурињо, јави британскиот сервис BBC. Изминатите денови англиските медиуми шпекулираа дека за трансферот, вклучувајќи разни бонуси и клаузули, Јунајтед ќе издвои околу 40 милиони евра.
 
Ерик Баили има 22 години, минатата сезона одигра 35 натпревари во Примера и е еден од најзаслужните што Виљареал избори пласман во квалификациите во Лигата на шампионите.
 
Виљареал ќе профитира од овој трансфер бидејќи Баили пред 18 месеци во клубот пристигна од Еспањол за 7,5 милиони евра.
 
Баили официјално ќе стане играч на Манчестер Јунајтед веднаш откако ќе добие работна дозвола за Велика Британија.