Автомобил паднал во Вардар кај болницата Аџибадем Систина

Во тек е акција за извлекување на автомобил кој паднал во Вардар во близина на пешачкиот мост кај болницата Аџибадем Систина.

Екипи на Противпожарната единица и нуркачката единица при МВР поставуваат сајли за извлекување на возилото. Засега не се знае дали има луѓе во возилото.

По интервенирање околу еден час од страна на нуркачките екипи на МВР и екипите на противпожарната единица со сајли автомобилот е извлечен од р. Вардар. Станува збор за автомобил „фолксваген поло“ и според првичните информации во него нема луѓе.