Австралиските весници протестираат против цензурата
Австралиските весници денеска излегоа со преработени насловни страници како дел од заедничката кампања со која се повикува Владата подобро да ја заштити слободата на новинарската работа.
Насловните страници прикажуваат детално преработен владин документ, кој има за цел да покаже широка цензура. Во исто време, медиумите започнаа кампања, барајќи измени на законите што ја квалификуваат работата на новинарите и активизмот на свиркачи како казнени дела.
Сиднеј Морнинг Хералд бара „сеопфатен амандман на законот за да се стави крај на негирањето на информациите“. Австралијан предупредува на „долготрајни напади врз правата на новинарите“.
Деветнаесет медиумски организации и новинарски здруженија во јуни оваа година ја започнаа кампањата „Твое право е да знаеш“, протестирајќи против упадот на полицијата во јавните телевизиски канцеларии и во станот на еден новинар во потрага по документи доставени од свиркачи.
Во текот на изминатите 20 години, донесени се повеќе од 60 нови закони кои де факто овозможуваат гонење на новинарите и казнување на свиркачите, предупредуваат организаторите на кампањата во најновата акција.
– На Австралија и се заканува опасност да стане најмистериозната демократија, рече директорот на националната телевизија АБЦ, Давид Андерсон.
Тие, меѓу другото, бараат право да го оспорат пребарувањето на простории и построги критериуми за чување документи во тајност.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово