Свет
12. May 2016 - 8:42

Австралија: Повредени 19 лица при пожар на туристички брод

Најмалку 19 лица се повредени, но никој не е во животна опасност, при пожар на туристички брод катамаран долг 23 метри,  крај брегот на Австралија, соопшти австралиската полиција. 

Спасувачките служби успеале да ги спасат сите 46 патници кои се наоѓале на опожараниот брод, кој при пожарот потонал, пренесува Танјуг. 

Повредените патници се сместени во болниците во градовите Бундаберг и Гледстоун. 

Повеќето од патниците биле кинески туристи, јави телевизијата „Најн Нетворк“.