Авганистан: САД одобрија исклучок од санкции за хуманитарна помош
САД одобрија два исклучоци од економските санкции воведени против талибанците, кои ја преземаа власта во Авганистан, со цел да се олесни испораката на хуманитарна помош.
Првиот исклучок им овозможува на американската Влада, невладини организации и одредени меѓународни организации и субјекти „да обезбедат хуманитарна помош за Авганистан и други активности кои придонесуваат за задоволување на основните потреби“ во земјата, се вели во соопштението на американското Министерство за економија.
Со вториот исклучок се одобруваат одредени трансакции поврзани со извоз на земјоделски производи (храна, семиња, ѓубрива), лекови и медицинска опрема, се додава во соопштението.
Министерството „останува посветено на ставот дека американските санкции не треба да бидат пречка за можноста цивилите во Авганистан да добијат хуманитарна помош од американската влада и меѓународната заедница, додека продолжуваат рестрикциите кон талибанците и другите санкционирани субјекти на кои им е забранет пристап до одредени средства“.
Авганистан, кој веќе е многу сиромашна земја, се соочува со уште поголема несигурност поради економските санкции и прекинот на многу хуманитарни програми откако талибанците ја презедоа власта.
Светската банка и Меѓународниот монетарен фонд ја прекинаа помошта, а САД ги замрзнаа резервите на авганистанската централна банка кои се наоѓаат во Вашингтон.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка