Атлетико го доби дербито против Севилја

 

 

Фудбалерите на Атлетико Мадрид го добија дерби натпреварот против Севилја во рамките од 28.коло во шпанската Примера. 

 

На средбата одиграна попладнево на „Винсенте Калдерон“ во Мадрид, Атлетико со 3-1 ја победи Севилја. Стрелци на головите за популарните „јорганџии“ беа: Диего Годин (37.минута), Антоан Гризман (61) и Коке (77), додека поразо0т на андалузиската екипа го ублажи Хуан Кореа на пет минути пред крајот на средбата. 

 

Со новите три бодови, а во трка за третото место на табелата сега Атлетико има само два бода помалку од Севилја, но пет помалку од Барселона, односно дури десет во однос на лидерот на табелата Реал Мадрид. 

 

Во првиот денешен натпревар во Примера, Леганес и Малага одиграа без голови 0-0. 

 

До крајот на ова коло остануваат да се одиграат уште три натпревари: Депортиво Ла Коруња - Селта Виго, Спортинг Хихон – Гранада и Барселона – Валенсија. 

 

Табела: Реал Мадрид 65 бодови,  Барселона 60, Севилја 57, Атлетико Мадрид 55, Виљареал 48, Сосиедад 48, Атлетик Билбао 44...