Aсфалтирана улицата „Ацо Шопов“ во Крива Паланка
Асфалтирањето на улицата Ацо Шопов, крак 1 во Крива Паланка е завршено. Улицата е со вкупна должина од 450 метри, а асфалтирањето е извршено во рамки на Проектот за реконструкција на локални улици и патишта поддржан од општина Крива Паланка, Светска банка и Министерство за финансии на Република Македонија.
- При реализација на проектот за асфалтирање решено е и одводнување на атмосферски води и нивелација на постојни фекални шахти. Просечна ширина на улицата е четири метри, поставени се бетонски каналети и бетонски рабници од двете страни на улицата. Кракот од улицата „Ацо Шопов“ веќе неколку години е во Програмата за уредување градежно земјиште на Советот на општина Крива Паланка поради големиот број објекти кои гравитираат кон самата улица. Со целосната изградба на овој крак се обезбеди сообраќајна врска со централното градско подрачје на околу 300 жители од населбата, изјави градоначалникто на Крива Паланка, Арсенчо Алексовски.
Проектот е дел од трите приоритетни инфраструктурни проекти во општината кои се реализирани со средства од Светска банка, а покрај овој патен правец беше изграден локален пат во село Конопница, спој со магистралата М2 со должина и реконструкција на локален патен правец Крива Паланка – село Конопница, во маала Стамболици преку местото викано Кула до Црквата.
Ново на Сител
-
Пропадна аукцијата за 15% од потребите на ЕВН Хоум - ЕСМ понуди струја за 60 евра мегават час
-
Се уште се чека понудата од ЕСМ за цената на струјата
-
Законот за облигациони односи под лупа на Уставен суд
-
Мицкоски подготвен за „непријатна средба“ со Мицотакис на НАТО самитот
-
ФФМ бара казна за Албанија – На политиката не и е местото во фудбалот
-
По вежба на Криволак, почина млад војник
-
ДСЗИ изврши надзор во битолската болница по смртта на новороденче
-
Мерко не се чувствува виновен за назначување директори