АСЕАН: Голема загриженост поради Северна Кореја

Југоисточните азиски нации изразија „голема загриженост“ поради севернокорејските нуклеарни проби минатата година и ракетните тестирања кои следеа и предизвикаа тензии на Корејскиот полуостров.

Министрите за надворешни работи од земјите на Асоцијацијата на југоисточните азиски нации (АСЕАН) вчера објавија соопштение, пред почетокот на годишниот самит во Манила, на кој тема ќе биде нестабилноста на Корејскиот полуостров „која сериозно го погоди регионот и пошироко“.

Регионалниот блок од десет нации, исто така, инсистира Северна Кореја и сите загрижени страни „да се воздржат од дејствија кои би ја влошиле ситуацијата“.