Асад: Западот ни критикува, но зад кулисите води преговори со нас

Западните земји го критикуваат Дамаск, но во Сирија испраќаат свои претставници на тајни преговори, изјави сирискиот претседател Башар ал-Асад во интервју за австралиската телевизија Ес-Би-Ес, пренесе ТАСС.

-Западните земји политички ја напаѓаат Сирија, но испраќаат свои претставници, особено во областа на безбедноста, кои со нас водат задкулисни преговори, а притоа не сакаат да ги загрижуваат САД, рече Асад.

Според  него, „повеќето западни службеници само го повторуваат тоа што САД го бараат од нив“.