Арсовски: Високата цена која ја плаќаат македонските граѓани го билда евроскептицизмот

Незадоволството на граѓаните од стагнацијата на процесот, високата цена која ја плаќаат македонските граѓани за влезот во ЕУ и сентиментот дека ЕУ не го испорачува ветеното се главните причини поради кои опаѓа поддршката на граѓаните за членство во ЕУ, вели за Детектор политичкиот аналитичар Петар Арсовски.

„Ние сме можеби во најкритичниот период на таа разочараност бидејќи во основа се работи за една повеќе емотивна односно рационална компонента. Сепак 55% се вкупно „за“ и можеби ја доживуваат ЕУ како некоја аспиративна вредност, но емотивно се незадоволни од неиспораката на напредокот кон ЕУ. Исто така е загрижувачки, односно индикативно дека кај македонската етничка заедница таа поддршка е уште помала, тоа би требало да ни биде индикација дека таа е сепак некако поврзана со францускиот предлог, протоколот, преговарачката рамка и цената која етничките Македонци сметаат дека ја плаќаат“ – вели Арсовски за Детектор.