Аризанов: Лозарите задоволни од скратувањето на рокот за исплата на грозјето
Лозарите се задоволни од скратувањето на рокот за исплата на грозјето од шест на три месеци, рече попладнево во Кавадарци Љупчо Аризанов, претседател на регионалниот Сојуз на лозари „Агротиквешија”.
- Оваа одлука е многу на место, се согласуваат лозаропроизводителите со кои разговарав овие неколку дена, веднаш по донесувањето на најновото решение околу законскиот рок за исплата на грозјето. Винарските визби кои сакаат да откупуваат грозје, според мене, треба да си подигнуваат кредити и да го исплатуваат откупениот род најбрзо што може или 30 дена по откупот. Доста веќе лозарите ги кредитираат винарите, изјави Аризанов.
Тој кажа дека околу 50 проценти од грозјето откупено изминатата сезона е платено.
- Има винарии кои целосно го исплатија грозјето, но и такви кои воопшто не почнале со исплата. Апсолутно некоректно од страна на некои винарници бидејќи веќе се во тек работите во лозјата за новата реколта, а сето тоа бара финансиски средства. Ние во наредниот период, како и досега, ќе настојуваме исплатата да биде што побрза, порача тој.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња