Апликацијата „МојДДВ“ ја презеле 120.000 граѓани, достапна и на Apple store
Апликацијата „МојДДВ“ на Управата за јавни приходи (УЈП) е достапна за преземање и од Apple store на линкот https://apps.apple.com/us/app/moj-ddv-ujp/id1472553785.
Од 1. јули кога стартуваше мерката поврат на 15 проценти од пресметаниот ДДВ апликацијата ја користат 120.000 граѓани, соопшти денеска УЈП.
Заклучно со вчера скенирани се 1.964.811 фискални сметки, остварен е промет од 1.041.512.209 денари, а повратот од 15 проценти од пресметаниот ДДВ изнесува 16.323.077 денари.
Од Управата за јавни приходи информираат дека граѓаните кои не се во можност да ја користат апликацијата МојДДВ на своите телефони, може да ги користат услугите што ги нуди УЈП во сите свои организациски единици каде што фискалните сметки може да се скенираат на киоск апарати, баркод читачи, како и паметни телефони на кои е инсталирана апликацијата МојДДВ.
– Мерката поврат на 15 проценти поврат од пресеметаниот ДДВ кај граѓаните е од корист и за граѓаните и за државата. Управата за јавни приходи изразува задоволство од досегашната реализација на мерката и ефектите што се и во насока на намалување на сивата економија. Граѓаните инсистираат да им бидат издадени фискални сметки за производите што ги купуваат и за услугите што ги користат, а се почесто во Управата за јавни приходи се пријавуваат и нерегуларностите при издавањето, односно неиздавањето на фискални сметки. За сите граѓани УЈП на својата веб страна, нуди и одговори на најчесто поставуваните прашања на граѓаните преку контакт центарот на УЈП и социјалните мрежи, се вели во соопштението.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево