ОН апелира за продолжување на примирјето во Јемен

Специјалниот претставник на Обединети нации за Јемен, Исмаил Улд Шеик Ахмед апелираше до завојуваните страни во земјата да го продолжат примирјето за најмалку 72 часа.

Примирјето истече вчера на пладне, но засега нема информации дали борците се подготвени да го продолжат примирјето.

Ахмед наведе дека покрај кршењето се одржало примирјето.

- Прекинот на огнот им овозможи на ОН да достави храна и хуманитарни пратки во некои области на Јемен, кои претходно беа недостапни, посочи Ахмет.

Војната во Јемен почна во 2014 година кога шиитските бунтовници Хути го зазедоа главниот град Сана, а една година подоцна почна интервенцијата на заливските земји предводени од Саудиска Арабија. Во борбите загинаа над 4.000 цивили, а раселени се три милиони луѓе од вкупното население - 26 милиони на најсиромашната држава од арапскиот свет.