Апел до Скопјани да не го фрлаат градежниот отпад во контејнерите
Јавното претпријатие „Комунална хигиена“ Скопје, денеска преку соопштение апелира до граѓаните да не го одлагаат градежниот отпад во контејнерите.
– Во текот на изминатите неколку дена, во скопската оштина Чаир, eко-патролата на ЈП „Комунална хигиена“ Скопје регистрираше огромно количество неправилно одложен градежен отпад во контејнерите поставени на улицата „Благоја Паровиќ“. Екипите на претпријатието беа принудени рачно да го извадат градежниот отпад од садовите, за да може да го префрлат и транспортираат со соодветни возила, се наведува во соопштението на „Комунална хигиена“.
ЈП „Комунална хигиена“ ги информира граѓаните дека, според Законот за јавна чистота, отпадот што се создава при извршувањето градежни активности или реновирање на живеалиштата, не смее да се одложи во садовите за отпад поставени на јавни површини.
– Градежниот отпад може трајно да ги оштети овие садови, како и специјалните комунални возила, а со тоа да предизвика и сериозни проблеми при собирањето и транспортот на комуналниот отпад во градот, стои во соопштението на ЈП „Комунална хигиена“ – Скопје.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот