AO: Циципас немоќен против Надал
Рафаел Надал го декласира Стефанос Циципас во полу-финалето на Австралија опен. Шпанецот за еден час и 46 минути го победи грчкиот тенисер со 6/2, 6/4, 6/0. Надал има беспрекорен учинок во досегашниот тек од турнирот, досега не загуби ниту еден сет, а на противниците им дозволи само два брејка.
Надал, против 21-годишниот Циципас кој во осмина-финалето го елиминираше Роџер Федерер, ја демонстрираше својата моќ и во ниту еден момент не му дозволи на Гркот да почувствува дека мечот може да има поинаков исход.
Дел од квалитетите Циципас покажа само во вториот сет, во кој потклекна во деветтиот гем кога Надал направи брејк.
Во првиот, а особено во третиот сет на теренот постоеше само Надал. Првиот го реши на почетокот, со брејк во третиот гем, а во третиот не му препушти ниту гем на противникот.
Надал в недела шести пат ќе игра во финалето на Австралија опен. Во претходните пет финалиња победил само еднаш, во 2009 година.
Противник во финалето ќе му биде победникот од второто полу-финале во кое ќе играат Новак Ѓоковиќ и Лука Пуи. Овие двајца ќе се соочуват утре, од 9.30 часот по македонско време.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка