Антонио Тајани од редовите на Народните партии е новиот претседател на Европскиот парламент
Европратеникот од Италија, Антонио Тајани е новиот претседател на Европскиот парламент, јавува дописникот на МИА од Париз.
За да Тајани биде избран на европратениците им беа потребни четири круга на гласање. Во последниот круг, Тајани доби 351 гласа, додека неговиот сонраодник Џани Питела од редовите на социјалистите и демократите 282 гласови, а вкупно 80 ливчиња беа неважечки.
Откако Мартин Шулц му посака „добар ветер“ пред да му го препушти своето претседателско место, Антонио Тајани рече дека ќе биде претседател на сите европратеници и дека ќе ги почитува сите групи.
Тајани изрази благодарност до Мартин Шулц, на кој му се заблагодари за работата која ја завршил.
Својата победа Тајани им ја посвети на жртвите на земјотресот кој ја погоди Италија, изразувајќи им солидарост на жртвите на тероризмот, без да ги заборави оние кои страдаат во моментов од големиот студ, на оние без покрив на главата и без работа, на кои треба да им се посвети работата на ЕП.
Тајани има солидно политичко искуство. Тој беше комесар на ЕУ за сообраќај од 2008 до 2010 година, а потоа комесар за индустрија 2010-2014. Тајани влезе во Европскиот парламент во 1994 година. Тогаш тој стана основачки член на партијата Форца Италија на поранешниот италијански премиер Силвио Берлускони.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници