Анкета: Македонското сирење со многу добар имиџ во Србија

Македонското сирење во Србија има многу добар имиџ, се бара како квалитетен производ, но нема доволна поддршка, дистрибуција и присуство за да најде пат до што поголем број потрошувачи.

Ова  го покажува истражувањето на Агенцијата „Нилсен“ од Белград што беше презентирано денеска на седмата интерактивна работна конференција „Млеко и млечни производи“.

Како што рече Иван Миловановиќ од Нилсен, истражувањето се спроведува во големите и хипер маркетите, помалите и локалните продавници,...

Според истражувањето, пак, на Брима Галуп, во Македонија, од млечни производи, најмногу се купуваат бело сирење и јогурт, а млеко во помал процент.

Со анализата на Брима Галуп, рече  Калина Медаравоска, се опфатени испитаници постари од 15 години.

Конференцијата што ја организира Talk IN Business на едно место, еднаш месечно, ги собира производителите и дистрибутерите од одредени индустрии. Целта е да бидат отворени сите прашања кои се предизвик за нив или претставуваат каков било проблем.

- Со помош на истражувачки агенции двете страни добиваат слика за пазарот, побарувачката и навиките, како и профилот на потрошувачите, нагласи Елена Стојановска од  ИнСтор Македонија.