Анкета: Изедначен резултат меѓу приврзаниците и противниците за напуштање на ЕУ

Приврзаниците и противниците за останување на Велика Британија во Европската унија се изедначени по број, пред референдумот за тоа прашање закажан за 23 јуни, се вели во резултати од анкета.

Според он-лајн анкетата на Опиниум за весникот Обзервер се вели дека по 44 отсто анкетирани се за едната или другата опција.

Анкетата била спроведена меѓу 14 и 17 јуни. Најголем дел од испитаниците биле анкетирани пред до нив да дојде веста за убиството на лабуристичката пратеничка Џо Кокс. Со анкетата биле опфатени 2.006 луѓе.

Според претходната анкета, објавена на 11 јуни за останување во ЕУ биле 44, а за напуштање - 42 отсто Британци.