Анѓушев: Примерот на Шведска со обновливи извори на енергија применлив за Македонија
Примерот на Шведска за примена на чистите технологии во индустрија и за обновливи извори на енергија е применлив за Македонија и може значително да придонесе за нејзиниот развој особено за проекти што се однесуваат на т.н. „чиста енергија“.
Тоа го истакна вицепремиерот за економски прашања Кочо Анѓушев по вчерашната средбата со шведската министерка за европски прашања и трговија, Ан Линде, во рамки на дводневната посета на Кралството Шведска, соопшти денеска Кабинетот на вицепремиерот.
На средбата на која главна тема биле чистите технологии и обновливите извори на енергија е договорена соработка за искористување на шведските искуства и знаења во овие области со цел нивна примена и во Македонија.
Министерката Линде, во име на шведската Влада, изразила подготвеност за соработка со македонската Влада и во сите други области од важност за државава.
Како што е најавено, вицепремиерот Анѓушев денеска ќе има излагање за потенцијалите на обновливи извори на енергија на Бизнис форумот за чисти технологии во Стокхолм, организиран од Македонската амбасада во Шведска и „Македонија 2025“. Вчера Анѓушев имал средба и со претставници на компанијата Ericsson, на којашто беа презентирани последните дигитални технологии за таканаречените „паметни мрежи“ (smart grid) за електрична енергија, особено за нивната примена во земјоделието.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање