Анѓушев: Фени ќе се рестартира, а доверителите ќе бидат обесштетени
Вицепремеирот за економски прашања Кочо Анѓушев е оптимист дека Фени Индустри АД Кавадарци ќе се рестартира и оти целосно ќе бидат обесштетени помалите доверители, а трите банки најголеми доверители ќе се договорат со новиот инвеститор дел од долгот веднаш да им биде платен, а дел да биде реструктуиран.
Изборот на новиот инвеститор во Фени, како што нагласи, сега е во рацете на судските власти и доверителите.
- Која компанија конечно ќе стане сопственик на Фени ќе се одреди од одборот на доверители согласно транспарентна законска постапка. Ќе биде избрана компанијата која ќе понуди најдобра програма, односно ќе донесе најмногу финасиски средства за отплаќање на долговите и при тоа ќе покаже капацитет и способност да менаџира со фабриката, изјави Анѓушев, одговарајќи на новинарско пршање пред промоцијата на Канцеларијата на претставништвото на италијанската „Конфиндустрија“ во Македонија.
Тој посочи дека новиот сопственик на Фени ќе треба да покаже дека има извор на руда, технологија, знаење и кадар за да може да раководи со компанијата.
Кунико, сегашниот сопстеник на Фени, додаде, го опструира процесот со барањете за изземање на Велешкиот суд кој е надлежен за стечајната постапка на Фени, а секоја понатамошна опструкција ќе значи продолжување на процесот.
- Сите страни треба да покажат посветеност и одговорност во решавањето на проблемот на Фени кој сега е во рацете на судските власти и доверители. Како Влада сме исклучително посветени во делот што го имаме како наши одговорности, а тоа е да создадеме клима колку што може повеќе инвеститори да дојдат во земјава. Ние ќе се трудиме да создадеме услови да привлечеме инвеститори и да го направиме процесот што поконкурентен со цел сите доверители да бидат обесштетени, рече Анѓушев.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект