Ангелов ја продолжува кариерата во БиХ

Македонскиот интернационалец Виктор Ангелов (25) потпишал договор со Широки Бријег на чија клупа до пред еден месец седеше Гоце Седолски. Ангелов во Мостар пристигнал како слободен играч, а со клубот потпишал едно годишен договор, со можност истиот да биде продолжен на уште една година.

Ангелов е роден во Дортмунд, каде и ја започнал кариерата во младинските категории на Борусија. Како сениор настапувал за Работнички, Тетекс, Металург, Ујпешт и Шкупи.

„Среќен сум што потпишав за Широки. И претходно, додека овде тренер беше мојот сонародник Гоце Седлоски, имаше преговори за мојот трансфер, соработката ја финализиравме дури сега. Слушнав многу убави зборови за клубот, ги знам амбициите, со години е во врвот на фудбалот во БиХ, дојдов да помогнам клубот да го оствари зацртаните цели“, рекол Ангелов.