Американската амбасада организира Саем за колеџи во САД

Американската амбасада во Македонија утре го организира четвртиот годишен Саем на колеџи во САД. 

Дваесет претставници на Амбасадата, вклучително и заменик шефот на мисијата, Микаела Швеицер - Блум, ќе презентираат различни аспекти од своето искуство на американски колеџи, а ќе бидат на располагање и да одговараат на прашања за високото образование во САД.

Советниците на EducationUSA ќе даваат информации за процесот на аплицирање на универзитетите во САД, како и за услугите што студентите можат да ги добијат во центрите на EducationUSA во Македонија.

Советникот за образование од амбасадата на САД ќе одговара на прашања на сите заинтересирани за можностите за добивање стипендии од Владата на САД и за програмите на образовна размена.

Настанот ќе се одржи во Културно информативнио центар, а влезот е бесплатен.