Алтернатива за Сител: Ние не молевме да влеземе во Влада – не молеа домашни и странски фактори

Алтернатива нема информација дека Алијанса би можела да дојде на нивно место во владината коалиција. Од партијата велат дека нивната улога во владејчакото мнозинство била стабилизирачка и дека очекуваат тоа да не биде заборавено.

„Премиерот потврди официјално дека тоа е само шпекулација. За тоа дали Алтернатива може да ја напушти коалицијата не одлучува никој друг, освен партиските органи на Алтернатива, тие што одлучиле за влез на Алтернатива во владата. Вие знаете дека Алтернатива ја стабилизира оваа влада и тоа го знаат добро и нашите владини партнери и меѓународните партнери. Ако некој заборавил на тој чин на Алтернатива, тоа сигурно не е од склероза. Ние не влеговме во влада, бидејќи молевме или се додворувавме, туку бидејќи бевме замолени од низа домашни и странски фактори, поради процесот на евро-интеграцијата. 

Всушност парламентарното мнозинство е стабилно и нема потреба за друго засилување. 

Нашите односи со другите партнери во владата се коректни, во рамките на колегијални односи. – се вели во изјавата на Алтернатива за Сител

Ставот на Алтернатива доаѓа по информацијата која утрово ја објави Прес24 дека Алијанса за Албанците преговара за влез во владата токму на местото на Алтернатива.