„Александар Велики“ најдобар во Европа во категоријата аеродроми под два милиона патници
Скопскиот аеродром ,„Александар Велики“ доби награда за најдобар аеродром во Европа во 2015 година ASQ за квалитет на услугите, во категоријата аеродроми под два милиона патници, што ја доделува организацијата Airports Council International (ACI), соопшти денеска концесионерот на македонските аеродорми ТАВ Македонија.
- Наградата е потврда на нашата посветеност на патниците и авиокомпаниите, како и на зголемениот број нови линии и подобрените услуги, за кои сме благодарни за напорите кои ги направија нашите партнерски компании, изјави Зоран Крстевски, генерален директор на ТАВ Македонија.
Во истата категорија Скопскиот аеродром доби награда и во 2012 и 2013 година.
Светската бенчмарк програма на ACI која ги анализира услугите кои на патниците им ги нудат аеродромите, ги објави добитниците за квалитет на аеродромските услуги вчеравечер во Монтреал, Канада, по обработка на над 550.000 длабински направени анкети на над 300 аеродроми, во повеќе од 80 земји во светот во текот на минатата 2015 година.
Покрај скопскиот аеродром како победник за корисничкото задоволство на патниците во Европа, во категоријата аеродроми под два милиона патници, на другите континенти, победници се аеродромот Апингтон во Африка, Портланд во Северна Америка и Кулиакан во Латинска Америка (Кариби).
Анкетите на ASQ покриваат 34 клучни области на услуги и вклучуваат 8 главни категории, како што се пристапот, чекирањето, безбедноста, аеродромските објекти, храната и пијалоците, малопродажбата и друго. Сите аеродроми кои учествуваат ги користат истите анкетни прашања, создавајќи стандард од прашања и одговори во индустријата, кои им овозможуваат на учесниците (аеродромите) да ги следат и анализираат сопствените перформанси, како и да ги споредуваат резултатите со сите аеродроми на светско ниво.
Ново на Сител
-
Вреди убедува 4 пратеници од фронтот на Ахмети за промена на страната
-
Во јавен сектор најмногу се вработувало една година по промена на власта
-
ВО ЖИВО: 4 неуспешни обиди за гласање за нов претседател на Уставниот суд
-
Никој не знае кога ќе профункционираат хируршките сали на Клинички
-
Интензивни подготовки за матурски испит на средношколците во Штип
-
Во просек годишно во Македонија гинат 60 лица по глава на милион жители во сообраќајни незгоди
-
Со марш во Скопје одбележан светскиот Ден на лицата со мултипла склероза
-
Земјите од Западен Балкан потрошиле 3,5 милијарди долари за антикризните мерки