Албанскиот брод „Орику“ спаси 110 илегални мигранти во Егејско Море

Бродот „Орику“ на албанската воена морнарица, при патролирање во водите на Егејско Море, во четири одделни акции спаси 110 илегални мигранти, кои се наоѓале во моторни чамци.

Веста на својот профил на Фејсбук ја објави министерката за одбрана Олта Џачка.

-Придонесот на нашите маринци во изминатите три години,како дел од мисијата на НАТО „Sea Guardian“ е многу поголема од ова. Бродовите и нивните екипажи реализираа илјадници часови патролирање и спасија околу 3.000 деца,жени и мажи, наведува Џачка.

Бродот„Орику“ само во текот на изминаитот месец во водите меѓу Турција и Грција, во неколку одделни акции спаси над 300 имигранти од Сирија, Ирак, Авганистан и Палестина. Албанија, дел од мисијата на НАТО во Егејско Море стана во 2016 година од кога во неговите води пловат и албанските бродови „Бутринти“ и „Лисус“.