Албански академик: Обединување на Косово и Албанија пред членство во ЕУ

Албанскиот академик, Реџеп Чосја изјави дека обединување на Косово и Албанија треба да биде следна прва цел на Албанците, тврдејќи дека тоа нема да биде можно со влезот во ЕУ.

- Луѓето зборуваат дека тоа прашање ќе биде решено во ЕУ. Не, нема да се реши во ЕУ. Како што не им се дозволува на земјите-членки поделба на две држави, така ЕУ нема да дозволи ниту нејзини две членки да се обединат во една држава, истакна Чосја за албанската телевизија „Вижн плус“.

Според него, „треба да се има јасна цел и како да се движиме кон тој пат. Најважно е обединување на Косово со Албанија без членство во ЕУ“.

Академикот Чосја тврди дека „обединувањето не е само желба, волја или чувство на Албанците, туку прашање кое решава многу други проблеми во животот на албанскиот народ“.