Албанската полиција заплени околу 1,5 тони марихуана

Албанската полиција во две одделени акции сноќа запленила околу 1,5 тони марихуана, јави дописникот на МИА.

Во голема акција, во која учествувале и припадници на специјалната полициска единица за брза интервенција, во селото Дервен кај Круја, биле запленети над 1,2 тони марихуана, откриени во неколку магацински простории, каде дрогата се сушела.

Во акцијата се уапсени шест лица, сопственици на магацинските простории.

Во втората акција, полицијата од Лушња запленила 224 килограми марихуана во куќа во село Жаме. При акцијата е уапсен сопсвеникот на куќата.

При претрес во куќата пронајдена е и ловечка пушка и 163 куршуми, кои сопственикот ги поседувал без дозвола.

Вчера поладне грчката полиција во близина на Јанина запленила 132 килограми марихуана прошверцувана од Албанија. При акцијата се уапсени четири лица на возраст од 17 до 22 години, од кои двајца Албнци и двајца Грци.