Албанската опозиција и Таравари заедно кај Курти
Вчера вечерта топ тема на социјалните мрежи беше информацијата за заедничката средба на албанската опозиција и лидерот на Алијанса Таравари заедно со косовскиот премиер Курти во Приштина. Дел од медиумите кои известуваат на албански јазик пишуваат дека соработката на Таравари со опозицијата била веќе договорена иако факт е дека неговата партија официјално нема донесено таква одлука.
Она што може да се добие како информација од вчерашната средба е дека Меџити, Касами и Гаши на Курти му го презентирале својот претседателски кандидат и барале мислење од него.
Лансирањето на свој претседателски кандидат од страна на опозицијата веројатно ќе го принуди и ДУИ да излезе со свој предлог што ќе го остави кандидатот на СДСМ сам против оној на опозициската ВМРО-ДПМНЕ барем во првиот круг од изборите.
Вчера во Косово беше и Ахмети кој имаше интервју за косовска телевизија. Тој рече дека партијата на косовскиот премиер Курти треба јасно да каже дали се меша во изборите во Македонија порачувајќи дека ДУИ е победник на идните избори уште пред тие да почнат и дека секоја нова партија во албанскиот блок одела на штета на албанските граѓаните.
Ново на Сител
-
БиХ: Дете пронајдено живо под плоча тешка два тона
-
Тепачка во дискотека во Штип - Осум луѓе побарале здравствена помош
-
Крушево: Жена возејќи „ауди“ удри во паркирано возило
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково