Албанија и Косово го поздравија донесувањето на Законот за употреба на јазиците
Официјална Тирана и Приштина го поздравија донесувањето на Законот за употреба на jазиците во македонскиот Парламент.
- Ја поздравувам решеноста да се донесе законот за употреба на албанскиот јазик од страна на македонскиот Парламент, како важен историски и голем чин, не само за Албанците, туку и за европската иднина на Македонија. Честитки!, стои во реакцијата на албанскиот претседател Илир Мета.
Косовскиот претседател Хашим Тачи упати честитки до сите Албанци во Македонија и до македонската држава, оценувајќи го донесувањето на законот како многу значаен чекор пред евроатланската иднина.
- Тоа е добра волја за соживот, почитувајќи го културниот диверзитет, достоинството и интегртетот на секој граѓанин. Им честитам на Албанците и на македонската држава за овој значаен чекор кон евроатланската иднина, посочува Тачи, оценувајќи дека тоа е во интерес не само на албанската заедница туку и за целиот регион.
И косовскиот премиер Хашим Тачи го поздрави донесувањето на законот, којшто смета дека тоа е голем чекор во реализација на правата на Албанците и во исто време почитување на граѓанските вредности на една држава со демократски цели.
- Законот за употреба на албанскиот јазик е исполнување на обврските од Охрдскиот договор и почитување на меѓународните договори. Со него почнува нова ера во внатрешните односи во Македонија и истовремено и патоказ за целиот регион кон ЕУ. Им честитам на сите наши сонародници во Македонија за овој толку голем и легитмен чин,напиша меѓу другото Харадинај на својот профил на Фејсбук.
Медиумите во двете земји, без исклучок ја пренесоа веста за „официјализирањето на албанскиот јазик на целата терторија на Македонија“.
Ново на Сител
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам