Албанија бара итно мислење од Венецијанската комисија во врска со разрешувањето на претседателот Мета
Албанскиот законодавен дом, по предлог на анкетната комисија побара од Венецијанската комисија итно мислење околу разрешувањето на претседателот Илир Мета.
Во барањето кое е потпишано од спикерот на парламентот Грамоз Ручи, се бара одовор на осум прашања поврзани со должностите и надлежностите на претседателот на Републиката по постапката што ја почна мнозинството за негово разрешување и формирањето на анкетната комисија.
Во барањето направен е и приказ на ситуацијата во земјата, почнувајќи од одредување на датумот на локални избори од страна на претседателот, ставот на опозицијата за откажување од мандатите, бојкотот на изборите од страна на Демократската партија и Социјалистичкото движење за интеграција, судирите во изборните комисии и одбори во општините предводени од претставници на опозицијата, па се до 30 јуни, денот на изборите и формирањето на анкетната комисија за разрешување на шефот на државата.
Исто така, во документот е вклучен и податокот дека до Изборниот колегиум (изборен суд) една партија побарала да биде избришана од гласачките ливчиња и одлуката на колегиумот по тоа прашање.
На крај, албанскиот прв парламентарец, обраќајќи се директно до претседателот на Венецијанската комисија, Џиана Букуичио, замолува за што поитно мислење поаѓајќи од „чувствителноста состојбата во која се наоѓа земјата”.
Анкетната комисија во која поголемиот број членови се од редовите на владеачките социјалисти, иако е убедена во уставните прекршувања на шефот на државата, сепак на 16 овој месец одлучи да побара мислење од оваа специјализирана европска институција, која и помогнала на Албанија во сите важни законски иницијативи, вклучувајќи ја и реформата во правосудството.
Венецијанската комисија заседава само четирипати годишно, а следниот состанок е закажан на 11 и 12 октомври. Но, Венецијанската комисија од пред неколку месеци ја смени својата регулатива со додавање на посебен член во кој се предвидени мислења за итни прашања.
Ново на Сител
-
Ѝ се заканил на судијка дека ќе ја убие, ОЈО поведе постапка
-
Во Дебар поставен транспарент „Албанците се понижуват до таму што се гази и крвта на паднатите борци! Врати се команданте, Али Ахмети!“
-
Заборави на рата, фиксирај со плата – Нов кредит до 300.000 денари во „ФЛЕКС КРЕДИТ“
-
Секое дете заслужува да расте со ЉУБОВ – хуманитарна кампања во НЕПТУН
-
Сител Телевизија вработува новинар во веб редакцијата
-
Електронско аплицирање за ученички стипендии до 15 октомври
-
Јаневска: Се разговара со синдикатот за повисоки плати на наставниците
-
Мицкоски: Првата половина од автопатот Кичево - Охрид ќе биде пуштена во мај