-->
-->
Алаѓозовски во Неготино каде беа пронајдени фосилни остатоци од слон
-->
Министерот за култура Роберт Алаѓозовски денес го посети локалитетот во Долни Дисан, Неготино, каде беа откриени фосилни остатоци од изумрен вид на слон, јавува Фокус.
Заедно со градоначалникот на Неготино, Тони Делков, тој упати честитки до истражувачките екипи од нашиот музеј и нивните колеги од Софија, соседна Бугарија за откритието кое е од големо научно значење.
Палонтолошки екипи од Природонаучниот музеј на Македонија и Природонаучниот музеј од Софија од дваесетти април годинава започнале со ископување фосилни остатоци од изумрениот вид на слон (Choerolophodon pantelici). Овој животниски вид живеел на тревести живеалишта, слични на саваните и се смета дека е постар од мамутите.
Откритието дека во неготинско живееле слонови е топ тема во градот. Неготинчани ги преплавија социјалните мрежи со разни шеги по повод темава.
- Слонот најверојатно умрел за вода, Каде имало слонови, сигурно има и нафта, Кавадарчани ќе си пукнат од мака оти не само воз, туку и слонови сме имале, се само дел од шегите кои се актуелни од вчера, откако беше објавена веста за пронаоѓањето на остатоците.
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари