Алаба не се откажува, почна да трча без болки во коленото

Давид Алаба нема да се пензионира предвреме, барем не се уште. Стоперот на Реал, кој е надвор од терените од крајот на 2023 година, ги демантира пишувањата на медиумите дека ќе мора да ја заврши кариерата поради хронични болки во коленото.

Како што пренесе „Марка“, австрискиот дефанзивец денеска отишол на тренинг и истрчал кругови без болки во оперираното колено. Се вели дека неговото закрепнување напредува, дека поминал некои тестови како што треба и дека во блиска иднина би требало да се приклучи на групните тренинзи и потоа да се врати во натпреварувањата на тимот.

-Во Реал ни требаат вистински играчи. Имаме млади играчи кои можат да придонесат за враќање на Алаба, кој го очекувам наскоро во тимот, изјави тренерот Карло Анчелоти.