Активнистите на „Охрид СОС“ бараат спречување на појавите на труење животни
Активистите на еколошката граѓанска иницијатива „Охрид СОС“ во соопштение до медиумите реагираат на зачестените случаи на труење на животни во Охрид, Струга и регионот на Охридското Езеро, предупредувајќи дека незаконското расфрлање отрови го загрозува опстанокот на ретки и ендемски видови флора и фауна од огромно еволутивно значење, кои играат огромна улога во опстанокот на локалниот еко-систем.
- Во последните неколку месеци низ повеќе населени места во Охрид и Струга бевме сведоци на зачестени случаи на незаконско расфрлање пестициди и инсектициди кои во Македонија може да ги купи и дете во количина доволна да отруе цел град. Последиците од отровите беа полумртви и мртви бездомни и домашни кучиња и мачиња, а последната жртва е и еден примерок на нем лебед во селото Радожда. Загрижени сме за последиците кои овие очигледно високо токсични отрови можат да ги имаат врз останатите диви видови кои се дел од уникатниот екосистем на Охридското Езеро. А бидејќи сите видови се блиску поврзани и дел од еден сложен ланец на исхрана, последиците можат да бидат погубни и за луѓето кои ловат риби од езерото за храна. На езерото има и птици преселници кои отровот можат да го пренесат и преку границите на државата, стои во соопштението.
Активистите предупредуват и на опасноста од продирање на отровите во подземните слоеви на почвата кое го имаат одредени видови отрови со што, велат, би можеле да ја контаминираат водата за пиење во регионот. Испарувањето на езерото би го донел отровот во контакт со атмосферата каде преку дождот би можел да контаминира и зарази поголема површина и да предизвика вистинска еколошка катастрофа.
„Охрид СОС“ бара надлежните институции да реагираат за пронаоѓање на сторителите на делото и спречување на слични такви појави во иднина, а од граѓаните да бидат одговорни и совесни и доколку имаат некои сознанија за труењата да пријават во надлежните институции.
Ново на Сител
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот
-
МВР: 223 возачи казнети за брзо возење