Акција на грчката полиција за празнење објект под опсада

Рано утрово, во нова акција за празнење на објект под опсада, грчката полиција пронајде 138 странски државјани, веројатно мигранти, меѓу кои и деца, јави дописничката на МИА од Атина.

Како што соопштуваат од грчката полиција, пронајдени биле 66 мажи, 44 жени и 28 деца, а сите биле одведени во Дирекцијата за странци за дополнителна проверка на нивните документи.

Заменикот министер под премиерот и портпарол на грчката Влада, Стелиос Пецас на денешниот редовен брифинг со новинарите и странските дописници рече дека „беше ослободен уште еден простор од нелегална опсада“, а станува збор за 12 објект во кој интервенира полицијата за празнење.