Ахмети: Навивачите беа во МНТ да прослават, а не да предизвикаат штета или вандализам

Лидерот на ДУИ Али Ахмети денеска, одговорајќи на новинарско прашање, изјави дека немало ништо спорно што навивачката група „Шверцери“ одржала прослава во МНТ, и оти намерата не им била да предизвикаат штета или вандализам.

– Што се однесува до материјалната штета на театарот, тоа е другo прашање што ќе го процени Министерството за култура, но не мислам дека луѓето отишле таму за да предизвикаат штета или вандализам, рече Ахмети по полжувањето цвеќе на споменикот на „Скендербег“ во Старата скопска чаршија по повод Денот на албанското знаме.

Ахмети истакна дека во многу цивилизирани земји како Германија, Велика Британија и низ целиот свет, навивачите на разни спортски  клубови ваквите манифестации за одбележување на деновите на нивното основање ги одржуваат во националните театри.