Агенцијата за вработување отвора уште четири дисперзирани канцеларии

Агенцијата за вработување со цел да ги доближи своите услуги до невработените и работодавачите ќе отвори уште четири дисперзирани канцеларии.

Почнувајќи од утре до петок ќе бидат отворени дисперзирани канцеларии во Злетово, Чашка, Конче и Самоков.

Канцеларијата во Злетово ќе се наоѓа во поранешната зграда на локалната самоуправа, во Чашка ќе биде лоцирана на улицата „8-ми Септември“ бб во близина на општинската зграда, а во Конче и во Самоков во општинските згради.

Во изминатиот период вакви канцеларии беа отворени и во други градови низ државата со цел услугите што ги нуди Агенцијата за вработување да им бидат подостапни на граѓаните.