Адвокат: Пуџдемон нема да оди на сослушување
Белгискиот адвокат на Карлес Пуџдемон изјави денеска дека не очекува во наредните недели разрешениот каталонски лидер да се врати во Шпанија, а особено не заради сослушување пред шпанскиот суд.
Адвокат Пол Бекерт, на прашањето за појавување на Пуџдемон пред судот, изјави дека тој „не оди во Мадрид."
- Како што стојат работите во моментов, јас не гледам дека тој ќе се врати во следните неколку седмици, изјави Бекерт.
Доколку Шпанија бара екстрадиција на Пуџдемон, тогаш, за тоа одлука ќе донесат белгиските судии, а не власта, рече Бекерт.
Портпаролот на владејачката Народна партија Естебан Гонзалес Понс изјави дека ќе, ако Пуџдемон утре не се појави пред судот, „најверојатно од Белгија ќе се бара екстрадиција" и дека белгиската полиција ќе го приведе.
Врховниот шпански суд ги повика Пуџдемон и 13-те негови сменети министри да се појават пред судиите во четврток и петок, најавувајќи обвиненијата против нив.
Обвинителството претходно побара кривично гонење против нив поради поттикнување бунт.
Пуџдемон вчера порача од Брисел дека нема намера да бега од правдата, но нема да се врати во Шпанија доколку не добие гаранции дека таму ќе има фер судење.
Пуџдемон рече дека нема да бара политички азил во Белгија.
Минатата ноќ двајца министри на Пуџдемон, кои беа со него во Брисел, се вратија во Барселона.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера