Абас го поздрави договорот со кој се предвидува пауза во борбите во Газа

Палестинскиот претседател Махмуд Абас ги пофали напорите на Катар и Египет да помогнат да се обезбеди пауза во борбите, истовремено обновувајќи ги повиците за „сеопфатен прекин на израелската агресија врз палестинскиот народ“.

„Го обновуваме повикот за сеопфатен прекин на израелската агресија врз палестинскиот народ, воведување хуманитарна помош и имплементација на политичко решение засновано на меѓународен легитимитет, што ќе доведе до крај на окупацијата и палестинскиот народ да ги добие своите слобода, независност и суверенитет“, рече генералниот секретар на Извршниот комитет на Палестинската ослободителна организација, Хусеин ал Шеик, на мрежата „Икс“.